იმისთვის, რომ თქვენი საახალწლო სუფრა განსაკუთრებული იყოს, გთავაზობთ აი, ეს ორიგინალური სალათა მოამზადოთ.
 

ინგრედიენტები:
2 ქათმის მკერდი
3 კვერცხი
1 თავი ხახვი
100 გ ყველი
350 გ შამპინიონები
100 გ კაკალი
200 გ შავი ქლიავი
1 ს/კ მცენარეული ზეთი
ზეთისხილი გაფორმებისთვის
მარილი, პილპილი, მაიონეზი გემოვნებით

როგორ მოვამზადოთ?
1. პირველ რიგში მოხარშეთ ქათმის მკერდი და კვერცხი.
2. დააქუცმაცეთ ხახვი და შამპინიონები. მცენარეულ ზეთში ხახვი შეწვით და შამპინიონები დაამატეთ. შეწვით 10 წუთის განმავლობაში.
3. შავი ქლიავი მდუღარე წყალში დაახლოებით 10 წუთით ჩაყარეთ. კაკალი მოხალეთ, ხოლო ყველი გახეხეთ.
4. როდესაც კვერცხი და ხორცი გაცივდება, ის დაჭერით.
5. ინგრედიენტები ერთმანეთს შეურიეთ და მაიონეზი დაამატეთ. პილპილის და მარილის შესახებ არ დაგავიწყდეთ.
6. კაკალი ბლენდერის დახმარებით დააქუცმაცეთ, შავი ქლიავი წვრილად დაჭერით.
7. სალათა თეფშზე გადაიტანეთ და მაიმუნის თავის ფორმა მიეცით. მოაყარეთ მას დაქუცმაცებული კაკალი. თმა, ყურები და ღიმილი შავი ქლიავისგან, ხოლო თვალები და ცხვირი ცილისგან და ზეთისხილისგან გააკეთეთ.

თითებს ჩაიკვნეტთ!

წყარო: www.aww.ge